Tuesday|3-Jul-2018 ലോകാരോഗ്യ സംഘടന അടക്കമുള്ളവ അംഗീകരിച്ച ഡയറ്റ് രീതികളില്‍ ഒന്നാണ് മെഡിറ്ററേനിയന്‍ ഡയറ്റ്. കുത്തരിയും ചെറിയ മീനുകളും ധാരാളം പച്ചക്കറികളും പഴങ്ങളും ഉപയോഗിക്കുന്ന നമ്മുടെ ഭക്ഷണരീതിയോട് ചേര്‍ന്നുനില്‍ക്കുന്ന മെഡിറ്ററേനിയന്‍ ഡയറ്റിലേക്ക് മടങ്ങിയാല്‍ പലതരം രോഗങ്ങളില്‍നിന്നും അകാലമരണത്തില്‍നിന്നും നീണ്ടകാലത്തെ ആശുപത്രിവാസങ്ങളില്‍നിന്നുമൊക്കെ വിടപറയാന്‍ കഴിയും. ഒരേസമയം ശരീരത്തെയും മനസ്സിനെയും ഉൗര്‍ജസ്വലമായി സംരക്ഷിക്കുമെന്നാണ് അമേരിക്കന്‍ ജെറിയാട്രിക്സ് സൊസൈറ്റി ഇൗ ഡയറ്റിനെപ്പറ്റി പറഞ്ഞിരിക്കുന്നത്.
ഗ്രീസ്, ഇറ്റലി, സ്പെയിന്‍, ഫ്രാന്‍സ് തുടങ്ങിയ രാജ്യങ്ങളില്‍ നിലനില്‍ക്കുന്ന വളരെ ആരോഗ്യപരമായ ഒരു ഭക്ഷ്യക്രമമാണ് മെഡിറ്ററേനിയന്‍ ഡയറ്റ്. പാശ്ചാത്യ ഭക്ഷണരീതി വളരെ കൂടിയ അളവില്‍ മൃഗക്കൊഴുപ്പും പ്രിസര്‍വേറ്റിവുകളും പഞ്ചസാരയും അടങ്ങിയതാണ്. എന്നാല്‍, മെഡിറ്ററേനിയന്‍ ഡയറ്റില്‍ ഇത്തരം വസ്തുക്കളില്ല എന്നതാണ് ഇതിെന്‍റ ഒന്നാമത്തെ സവിശേഷത. ശരീരഭാരം കുറക്കാനും ആരോഗ്യം മെച്ചപ്പെടുത്താനുമുള്ള ഒരു മാര്‍ഗംകൂടിയാണ് ഇത്.
മെഡിറ്ററേനിയന്‍ ഡയറ്റിനായി മെനുവൊരുക്കാം
- ദിവസവുമുള്ള ഭക്ഷണത്തില്‍ ധാരാളം പച്ചക്കറികളും പഴവര്‍ഗങ്ങളും പയറുവര്‍ഗങ്ങളും ഉള്‍പ്പെടുത്തുക (ജീവകങ്ങളും സൂക്ഷ്മ പോഷകങ്ങളും ഫൈബറും സമൃദ്ധമായി അടങ്ങിയിട്ടുള്ള പഴങ്ങളും പച്ചക്കറികളും ധാരാളമായി മെനുവില്‍ അടങ്ങിയിട്ടുണ്ട്. പ്രതിരോധശേഷി വര്‍ധിക്കുകയും ജീവിത ശൈലീരോഗങ്ങള്‍ കുറയുകയും ചെയ്യുമെന്നതാണ് ഇതിെന്‍റ പ്രത്യേകത).
- തവിടോടുകൂടിയ ധാന്യങ്ങള്‍, അതായത് സമ്ബൂര്‍ണ ധാന്യങ്ങള്‍ ഉപയോഗിക്കുക (ഇത്തരം ധാന്യങ്ങളില്‍ ജീവകങ്ങളും ഭക്ഷ്യനാരുകളും ആന്‍റി ഒാക്സിഡന്‍റുകളും ധാരാളമായി അടങ്ങിയിട്ടുണ്ട്. ഇതിനൊപ്പം ഒൗഷധഗുണങ്ങള്‍ ഇവയിലായിരിക്കും കൂടുതലായി ഉണ്ടായിരിക്കുക).
- ഒരു കൈ പിടി നട്സ് (ബദാം, പിസ്ത, വാള്‍നട്ട്, കശുവണ്ടി എന്നിവ) കഴിക്കാം.
- വനസ്പതി, ഡാല്‍ഡ, ബട്ടര്‍ എന്നിവക്കു പകരം ഒലിവ് എണ്ണ, കടുക് എണ്ണ (കനോല ഓയില്‍) എന്നിവ ഉപയോഗിക്കുക (ആരോഗ്യകരമായ കൊഴുപ്പ് അടങ്ങിയിരിക്കുന്നതിനാല്‍ ഹൃദയാരോഗ്യത്തിന് ഏറ്റവും നല്ലതാണ് ഒലിവ് ഒായില്‍).
- ചുവന്ന മാംസം മാസത്തില്‍ ഒരിക്കല്‍ മാത്രം ഉപയോഗിച്ചാല്‍ മതി (കൊഴുപ്പ് കളഞ്ഞ് ഉപയോഗിക്കുക). പകരം പക്ഷികള്‍ അതായത് താറാവ്, കോഴി, കാട എന്നിവയുടെ ഇറച്ചി ഉപയോഗിക്കുക.
- മുട്ട, മീന്‍ എന്നിവ ആഴ്ചയില്‍ രണ്ടു പ്രാവശ്യം ഉപയോഗിക്കാം.
- പാലും പാലുല്‍പന്നങ്ങളും ഉപയോഗിക്കുേമ്ബാള്‍ കൊഴുപ്പ് മാറ്റി ഉപയോഗിക്കുക.
- ഉപ്പിന് പകരം സുഗന്ധവ്യഞ്ജനങ്ങളും ഇലകളും ഉപയോഗിക്കാം (കറിവേപ്പില, മല്ലിയില etc...).
കുട്ടികളുടെ ബുദ്ധിവികാസത്തിന് മെഡിറ്ററേനിയന്‍ ഡയറ്റ്
കുട്ടികളുടെ ബുദ്ധിവികാസത്തിനും ആരോഗ്യത്തിനും മെഡിറ്ററേനിയന്‍ ഡയറ്റ് മികച്ചതാണെന്നാണ് വിദഗ്ധരുടെ അഭിപ്രായം. അതുകൊണ്ടു തന്നെ കുട്ടികളുടെ ഒാരോ ദിവസവും ഉൗര്‍ജസ്വലമാക്കാന്‍ ഭക്ഷണ ക്രമത്തില്‍ ചെറിയ ക്രമീകരണം നടത്തിയാല്‍ മതിയാകും.
കുട്ടികളുടെ മെനു
- പാതിവേവിച്ചോ പച്ചക്കോ കുഞ്ഞുങ്ങള്‍ക്കു പച്ചക്കറികള്‍ നല്‍കുക. പച്ചക്കു കഴിക്കാന്‍ താല്‍പര്യം കാണിക്കുന്നില്ലെങ്കില്‍ സാലഡ് ആക്കുകയോ, അല്ലെങ്കില്‍ സോസുകള്‍ ചേര്‍ത്ത് നല്‍കുകയോ ചെയ്യാം.
- ഫ്രൂട്ട്സ് നല്ലതുപോലെ പഴുത്തശേഷം പഞ്ചസാരയുള്‍െപ്പടെയുള്ള മധുരങ്ങള്‍ ചേര്‍ക്കാതെ ജ്യൂസ് രൂപത്തില്‍ നല്‍കുക.
- അരിഭക്ഷണത്തേക്കാള്‍ കൂടുതല്‍ ഗോതമ്ബ്, ചോളം തുടങ്ങിയവ കഴിപ്പിക്കാം.
- വെളിച്ചെണ്ണക്ക് പകരം ഒലിവ് എണ്ണയില്‍ പാചകം ചെയ്യാന്‍ ശ്രമിക്കുക.
- പഴവും ഉരുളക്കിഴങ്ങും ദിവസേന ഒരു തവണയെങ്കിലും നല്‍കുക. അന്നജം ലഭിക്കുന്നതിന് ഏറ്റവും മികച്ചത് ഇതാണ്.
- വെള്ളം ധാരാളമായി കുടിക്കാന്‍ പ്രോത്സാഹിപ്പിക്കുക.
- കൃത്രിമ മധുരപദാര്‍ഥങ്ങളും ബേക്കറി പലഹാരങ്ങളുമുള്‍െപ്പടെയുള്ള ജങ്ക് ഫുഡ് പൂര്‍ണമായി നിരുത്സാഹപ്പെടുത്തുക.
- പ്രഭാതഭക്ഷണം എട്ടു മണിക്ക് മുമ്ബുതന്നെ കഴിപ്പിക്കുക. രാത്രിഭക്ഷണവും നേരത്തേയാക്കുക.
- ദിവസവും ഒരു മണിക്കൂറെങ്കിലും കുട്ടികളെ കളിക്കാന്‍ അനുവദിക്കുക. അല്ലെങ്കില്‍ അത്രയും സമയം വ്യായാമത്തിന് അനുവദിക്കുക.
ജി.എം ഡയറ്റ് സ്പെഷല്‍ സൂപ്പ്
ജി.എം ഡയറ്റ് തുടങ്ങുന്ന ദിവസം മുതല്‍ കുടിക്കാന്‍ നിര്‍ദേശിക്കുന്ന ഇൗ സൂപ്പ് ആഴ്ച മുഴുവനും കഴിക്കാം
ചേരുവകള്‍:
- വെള്ളം - ഒരു ലിറ്റര്‍
- സവാള - ആറ് എണ്ണം (വലുത്)
- കാപ്സിക്കം - രണ്ട് എണ്ണം
- തക്കാളി - മൂന്ന് എണ്ണം
- കാബേജ് - ഒരു വലിയ കഷണം
- സെലറി - ഒരു പിടി
- ലിപ്റ്റണ്‍ ഒനിയന്‍ സൂപ്പ് മിക്സ് - 4 പാക്കറ്റ് (ഇതിനു പകരം കുരുമുളകുപൊടി, ഇഞ്ചി, വെളുത്തുള്ളി എന്നിവ ചേര്‍ക്കാം)
- ഉപ്പ് - പാകത്തിന്
തയാറാക്കുന്ന വിധം:
ചേരുവകള്‍ ചെറിയ കഷണങ്ങളാക്കി വെള്ളത്തില്‍ വേവിച്ച്‌ പാകത്തിന് ഉപ്പും മസാലയും ചേര്‍ത്ത് ഉപയോഗിക്കുക. ഈ സൂപ്പില്‍ പയറു^പരിപ്പു വര്‍ഗങ്ങളും കിഴങ്ങു വര്‍ഗങ്ങളും ഒഴികെ ഏതുതരം പച്ചക്കറികളും ചേര്‍ക്കാം.ജി.എം ഡയറ്റ് തുടങ്ങുന്ന ദിവസം മുതല്‍ കുടിക്കാന്‍ നിര്‍ദേശിക്കുന്ന ഇൗ സൂപ്പ് ആഴ്ച മുഴുവനും കഴിക്കാം
ചേരുവകള്‍:
- വെള്ളം - ഒരു ലിറ്റര്‍
- സവാള - ആറ് എണ്ണം (വലുത്)
- കാപ്സിക്കം - രണ്ട് എണ്ണം
- തക്കാളി - മൂന്ന് എണ്ണം
- കാബേജ് - ഒരു വലിയ കഷണം
- സെലറി - ഒരു പിടി
- ലിപ്റ്റണ്‍ ഒനിയന്‍ സൂപ്പ് മിക്സ് - 4 പാക്കറ്റ് (ഇതിനു പകരം കുരുമുളകുപൊടി, ഇഞ്ചി, വെളുത്തുള്ളി എന്നിവ ചേര്‍ക്കാം)
- ഉപ്പ് - പാകത്തിന്
തയാറാക്കുന്ന വിധം:
ചേരുവകള്‍ ചെറിയ കഷണങ്ങളാക്കി വെള്ളത്തില്‍ വേവിച്ച്‌ പാകത്തിന് ഉപ്പും മസാലയും ചേര്‍ത്ത് ഉപയോഗിക്കുക. ഈ സൂപ്പില്‍ പയറു^പരിപ്പു വര്‍ഗങ്ങളും കിഴങ്ങു വര്‍ഗങ്ങളും ഒഴികെ ഏതുതരം പച്ചക്കറികളും ചേര്‍ക്കാം.